簡簡單單的生活,簡簡單單的愛...

傷心酸辣粉~湯底 湯底係重點 1）蒜蓉、指天椒，落鑊爆香; 2）擺入醃好嘅肉碎、即食酸菜再炒； 3）加入辣豆瓣醬、白醋、鹽、糖、胡椒粉、花椒油、料酒/紹興酒 繼續炒香； （以上調味料/香料根據個人口味 增加或減少） 4）倒入適量嘅熱滾水，擺入泡好嘅米線/薯粉再滾一滾； 最後擺上迷人嘅芫荽，美味酸辣粉出爐。。。 PS: 加咗幾片牛腱，個人喜好加乜都得（魚蛋、豬腩肉、豬潤、腐竹…） #ngtracyhappyshare

甜麵醬 400g 水 2大匙糖 2大匙豉油 1大匙蠔油 1大匙老抽 2大匙麵粉 邊煮邊攪勻、直到煮滾、放涼、入樽，放雪櫃可放1-2星期。

譚仔炸醬食譜  炸醬材料  豬肉碎 400g  豆瓣醬 1湯匙  茄汁 2湯匙  浙醋 1湯匙  糖 適量  水 1/2杯  豬肉醃料  豉油 2茶匙  糖 1茶匙  蒜粉 2茶匙  料酒 2茶匙  浙醋 2茶匙 炸醬做法  豬肉先塗滿醃料，最好醃半小時或以上，令其入味。 鍋中下油，將豬肉炒散後再加入其餘醬料炒勻。 再加水烹煮15分鐘，收水至杰身就搞掂，秘製炸醬就完成了。 可以拌入米線，食飯或意粉時，加一兩匙，味道迅間提升！

Simon Li魚膠 ［🐟簡易魚膠製作🐟］喺英國買到嘅魚用嚟打魚膠效果的確唔係幾好，點都做唔到香港煎釀三寶嗰啲鯪魚肉咁樣，最接近嘅係用Basa魚，好聽啲嘅就係龍利，其實即係鯰魚，不過放心英國買到嘅肯定唔會喺坑渠捉嘅。 Basa魚雖然都可以打到起膠，不過始終都係好「削」，所以就要加返啲蝦肉等佢彈牙些少，另外再加些少肥豬肉就會香口一啲，呢隻魚冇魚味的，需要加少少大地魚粉去增加魚味，調味些少雞粉、胡椒粉、糖、麻油、但係唔好落鹽，落咗鹽魚肉會更加削，唔夠黏嘅話可以加啲生粉，要實淨啲就落適量嘅木薯粉，但千其唔好落蛋白，加咗蛋白煮熟就會鬆泡泡，好似魚腐咁樣。 簡單嘅比例係，三份Basa + 兩份蝦 + 一份肥豬肉，全部冰凍狀態丟哂落碎肉機打碎佢，可以放埋調味料落去一齊打，但唔好太重手，否則過鹹就冇得救，整好之後試味，唔夠味嘅話先再加調味料，如果整煎釀三寶就唔好撻佢，否則一煎啲魚肉就會縮埋一舊變咗魚蛋，想整彈牙魚餅或者魚鬆炒乜乜就可以撻佢三幾十下，用乜嘢蝦都冇乜所謂的，橫掂都係攪碎唔需要太大隻，只係我隨手喺冰櫃攞啲蝦，用細蝦仔效果都係一樣，無謂嘥錢買大蝦。。。。。

叉燒  梅頭豬肉 600g 醃料: 威士忌 15g （米酒） 生抽 45g 楓糖 45g（蜜芽糖） 糖 20g 蠔油 20g 胡椒粉 少量 蒜頭 一瓣 薑 2片 蜜汁: 楓糖 60g（蜜芽糖） 醃汁 30g  1.把梅頭肉切得大小平均一些 2.把蠔油、豉油、胡椒粉和楓糖攪拌均勻，可將其放在微波爐加熱融化 3.使用密實袋裝好豬肉和醬汁，加入薑和蒜頭，醃一晚 4.把豬肉放在室溫攤至常溫，並可預先預熱焗爐 5.加入楓糖，以1:2的比例煮溶楓糖，並分開兩份蜜汁，備用 6.在焗盤上放上錫紙和烤架，把豬肉放在烤架上，並均勻刷上醬汁，把其放入焗爐以200度烤焗25分鐘 7.每隔5分鐘取出，把豬肉反轉，再刷上醬汁，重覆以下程序，最後刷上餘下的蜜汁，放涼，切片，完成

陳皮海帶綠豆沙 材料 200 克綠豆 10 克海帶絲 2 克陳皮 95 克片糖 2000 毫升水 做法 1. 浸泡陳皮（2 克）和海帶絲（10 克）30分鐘，洗淨後，將海帶絲切小段、陳皮去囊備用。 2. 將綠豆（200 克）洗淨，冷水下鍋，水沸後中火加熱5分鐘，然後瀝水沖洗。 3. 將水（2000 毫升）煮沸後，放入綠豆和陳皮，加蓋中火加熱30分鐘。 4. 加入海帶絲，加蓋小火加熱15分鐘。 5. 加入片糖（95 克），加蓋小火加熱10分鐘即可。

大排檔風味豆豉醬 ~ 豆豉簡單浸一下， 大約相同份量嘅濕蒜， 少量薑蓉， 要有強烈嘅香味就要加一啲乾蒜粒，都係浸一浸水等佢變軟， 另一種好重要嘅香味來源就係炸洋蔥或者乾蔥， 所有嘢好簡單咁掉曬落攪拌機加啲油一齊打碎曬佢， 鍾意辣味可以加些少豆瓣醬或者辣椒油， 所有嘢搞碎曬之後放落鑊中火快手炒香佢，建議用易潔鑊唔黐底， 炒嘅時候加返一啲糖同埋蠔油，加糖可以增加焦香味同埋增加黏性，炒出嚟更加似醬料，蠔油可以令味道更有層次，記得唔好炒太耐同埋要快手兜炒， 因為豆豉係黑色嘅，炒燶咗係睇唔到的，基本上只係令佢揮發一啲水份咁樣就可以襟擺啲，炒好之後要離鑊盡快畀佢攤凍，如果keep住有溫度嘅話香味就會流失，攤凍之後就可以入樽了。 一般油份完全冚到豆豉醬嘅面就可以，冚唔曬就再加些少食油封面，因為冇加防腐劑的，所以必須雪櫃儲存，放三個月到半年都冇問題的，夠凍嘅話放一年都唔變壞。 呢個係超級萬用豆豉醬，用法可以用嚟炒蜆，豉椒炒嘅菜式，豉汁蒸排骨都可以用到，做蒸嘅菜式可以直接用嚟撈材料，豉椒炒嘅菜式就先將豆豉醬爆一下，嗰種香味就係同大排檔嘅一模一樣，整一樽豆豉醬成本都唔需要幾蚊就大大樽了，建議整嘅份量多一啲比較容易控制，整多咗就同朋友一齊分享啦。。。。。