K Kwong: 一分鐘化學: 生鏽
060714 【一分鐘化學:生鏽】 好多人都知道有水有氧氣,鐵就會生鏽。但以下你多數唔知: 1. 蘋果切開咗會變啡色並唔係因為蘋果有鐵質產生生鏽,而係因為蘋果内有一種稱為【對苯二酚、氫醌、苯二酚】的抗氧化劑,接觸到空氣產生一種棕色稱為【醌】的物體。 2. 冬天用嘅發熱包其實係由鐵粉、鹽粉、活性炭、蛭石/浮石碎組成。 a. 你搣爛包裝之後,空氣的水份同氧氧俾活性碳吸住。旁邊的鐵粉由於粒子很細,同一單位重量表面積很大,所以生鏽嘅速度比正常鐵釘快好多。 b. 而生鏽係放熱反應,所以好快就會升溫。至於鹽份係攞嚟加速生銹嘅電解質。 c. 而蛭石/浮石碎係攞嚟令到發熱包内粉末唔好黐埋一舊。 d. 暖包用完後,生鏽完成,發熱包係會重咗好多,就係因為吸收咗空氣同埋水分產生鏽【水合氧化鐵】。 3. 日本人好鍾意飲味噌湯,味噌有兩種色:黃色同深啡色,其實兩種係同一種味嘅。原來喺正常製造嘅味噌係淺黃色嘅,係釀製果陣放一支鐵釘,就會産生深啡色味噌,因為生鏽會增加深啡色。淺黃色味噌你剪爛咗個包裝一段時間後,會發現近住面嗰部分都係變咗深啡色。因為淺黃色嘅味噌都有少量鐵質,接觸空氣之後就會生鏽產生深啡色味噌。