鹼性電池

普及教育：鹼性電池
成日有人出帖，鹼性電池漏水，整壞電器，又話GP死硬。
唔係鹼性電唔好，唔係GP好衰。查實係用家唔了解鹼性電池，用錯了！
鹼性電池，係設計成大電量，放電能力高，電壓下跌慢，特別適合需要短時間大電流、電壓不下跌的電器，例如攝影閃光燈。
鹼性電池内裡注滿腐蝕性電解液，足夠時間後一定會蝕穿外殼（乜牌子都係），做成滲漏，繼而損壞電器。
另一方面，鹼性電池係預計你係佢蝕穿之前就用盡，不會再留在電器內，原本就冇設想你放咁耐。
所以，避免損壞電器之法。
1。選用合適電池，用電量少如：遙控器、時鐘、玩具等等，不要用鹼性電，用普通碳性電即可。
2。可能一段時間唔用既小電器，無論乜電，都拆出嚟再收藏。
做呢兩點，電器損壞機會大 大降低。

再加一點，大多數小電器設計，都係電池倉在下面，平時擺放、收藏，注意唔好反轉放，電池漏水也不至於腐蝕電路板。

1。你件野用電少，幾個月用唔盡舊電已經係好長時間。
2。電池唔係一出廠去到你手，唔知中間經過幾多個月。
買鹼性電好似買鮮奶，盡量買最新鮮既。

請問電池已漏出液體，應該用什麼清潔器材減少侵蝕？蒸餾水、火酒、電子清潔劑(contact cleaner)

因為樓主“部門每月用成100粒電”，流量快到“GG”都未漏就用完，所以才唔覺邊隻特別好、特別差。
但其實“GG”肯定係漏水最快的大牌子，跟住係”銀霸王”，最耐用係“勁娘”
重點就係呢度，唔需要大電量，唔好用鹼性電！
明白的，鹼碳分
類係原則，既可慳錢又安全。
但純粹以鹼論鹼，GG係鹼電中最漏水，所以大牌子最平，
估計可能基於成本，內層缺少防蝕處理。

講開电池，想請教鹼性電池同大容量 (例如二千以上) 叉电電池分别？谢谢
鹼性電池的容量會隨輸出電流增加而變小，例如同一枚電池可以在低電流（0.1A）時有3000mAh容量，但若是高電流（1A）時，容量可能只有700mAh，小於原來的1/4。 AA鹼性電池在小電流放電時平均容量大約為2000mAh。
鹼性電池絕對不能充電。
咁大容量叉电電池使用時是否会穩定 d ？同埋是否唔会漏电池水？
NiCd叉電唔會漏水，但容量不過2000maH (鋰電先過)，放電能力不及鹼性電。