中女媽好介紹|生活輕鬆D|觀塘有新場開倉呀!

中女媽噚日帶阿仔去觀塘參加興趣班,中間就梗係落街行下啦,點知比我見到個新開嘅開倉場,d貨品都唔錯㗎,等中女媽同大家介紹一下啦!

星期日上晏11點觀塘工業區真係冇咩人㗎,又冇嘢食,點知響舊x當勞位置見到呢個開倉...即管入去八卦下啦...一入門口係食物&家居清潔用品,土耳其貨,香港比較小見,不過中女媽買左呢30蚊兩支嘅果汁,即場就開左枝飲,又ok喎...我覺得比超級市場買到的濃郁...阿仔都飲曬成杯呀...仲有呢罐蜜糖好似唔錯...呢個開倉應該大部份賣Disel嘅貨品,

中女媽當年都有唔少高踭鞋,呢度d款都幾靚,$250/對唔買真係對唔住自己呀...佢分曬碼去擺,自己按碼數去睇就唔洗睇啱先知冇自己個碼而失望啦...男裝都有架...

呢度仲有牛仔褲同夏天衫,不過最吸引眼球嘅應該係佢d袋 同 銀包,真心覺得靚同抵喎…好似呢個大手挽袋,最啱一家四口兩日一夜短trip,一個袋拎曬就最方便喇