家居保險係咪真係要買架?!

今日屋企發生左大事,正確d嚟講係同座街坊發生左大事引致全座大廈住戶一同受苦。

究竟係咩事呢?

事緣,臨近放工時間,收到大廈街坊群組信息話有中層單位爆水管,d水漏到出電梯位置,滲漏曬入電梯槽導致全座大廈3部電梯壞曬。之後,再接報d水漏到入電錶房導致低層十多層都停電。

聽到呢度大家都知有幾大穫喇!!!

當返左成日工嘅打工仔返到屋企冇電梯,要行上樓...可以想像d粗口由內而外,再由外而內噤亂飛...

最重要有成百戶屋企冇電。師傅雖然一直搶修,但整左四個幾鐘(直至晚上十點幾)宣佈當晚唔會整得返,叫大家唔好等。

有受害住戶開始鼓噪並要求出事單位業主作出賠償,起碼要支付佢地酒店費用直至電力恢復為止。(其實,又真係合理喎。成28-9度連個風扇都冇,又冇燈又冇得沖涼。)

但問題係,當$800一晚,共一百個單位,一晚就$80000。再加上3部電梯的緊急維修費真係可以要過百萬的。

究竟事發業主有冇買家居保險呢?冇買的話,受害人就可以要求業主賠償;否則,就入法庭追討;甚至釘契影響佢將來賣盤。

噤,如果買左家居保險又點呢?

....下回分解